Pơma ah lêh pôk hơpah, Phŏ Thủ tướng Trần Lưu Quang ăn tơbăt, Đảng păng Teh đak bơ̆n kăp gĭt asong jang hơtŏk mŭk drăm – tơpôl tơring kon pơlei kon kông păng groi kông; hlôi tơlĕch lơ trong jang vă hơtŏk tơ-iung tơring âu, lơ̆m noh đei pơtho pơhrăm.

Mă lei, kơyuơ pơtơm đơ̆ng anih kơđeh atŭm hăm tơnap tap, tơhlăk tơhlĭn noh tơring kon kông păng groi kông tam mă kĕ klaih đơ̆ng tơdrong adar lơ̆m hơtŏk tơ-iung. Kơyuơ noh Phŏ Thủ tướng hơpơi ‘meh đe oh pơtoi hơdrin vă tơgop hrôih ‘nhăk tơring kon kông păng groi kông klaih đơ̆ng tơnap tap, adar hơtŏk tơ-iung.