Tơ̆ apŭng Mang Yang, Khŭl tang măt Quốc hội dêh char Gia Lai hlôi tơƀơ̆p pơma dơnuh hăm bơngai tăh hla xăh Đăk Jơ Ta. Tơ̆ âu, khŭl chih iŏk dôm nơ̆r apĭnh găh hơmet pơ ‘lơ̆ng hla ar lơ̆m tơdrong jang teh; đei tơdrong tơgŭm mă lăp ăn khŭl lĭnh kon pơlei vei lăng kơdih, kang ƀô̆ joăt jang tơ̆ xăh...

Hơdai hăm ‘noh, jĭ tơdrong pơm tơdrong hiôk anih jang kăl tơgŭm kon pơlei lơ̆m tơring hơtŏk tơiung mŭk drăm nhen: tơmơ̆t jên jang pơm gơng kơjăp năm klĕch đak krong Ayun vă pơyua ăn kon pơlei năm vih vơ̆t, chơ tơmam đơ̆ng choh jang sa păng bơngơ̆t truh hơmet ăn teh choh jang sa ăn tơring kon kông. Bơngai tang măt Quốc hội dêh char Gia Lai chih akŏm, gơih truh dôm anih tơm, anih jang trung ương, dăh mă tơroi tơ̆ hơnăp hop akŏm Quốc hội vă tơl nơ̆r đơ̆ng bơngai tăh hla.