“Hnam bôl boăl tơgŭm” xă 100m2 đei pơjao ăn unh hnam Đại uý Y Thuy Bkrông – jang tơ̆ Lăm dăr joang, Anih chĕp kơ̆l pơgơ̆r khul linh vei lăng tơring sơlam dêh char Đắk Lắk. Hnam man kơjăp ‘lơ̆ng, ƀĕnh jơhngâm đon ‘mêm mơnat đơ̆ng bôl boăl gô tơgŭm ăn 6 ‘nu bơngai lơ̆m unh hnam linh Y Thuy Bkrông hơđơ̆ng jơhngâm arih xa, bơ̆jang, yak tŏk lơ̆m lơ̆m tơdrong arih; atŭm hăm ‘nŏh pơjing đon lui ăn kăn ƀô̆, linh sơđơ̆ng jơhngâm bơ̆ jang lơ̆m khul linh, kơchăng sơng iŏk păng bơ̆ jang đang rim tơdrong jang đei pơjao.

Kiơ̆ Đại tá Đào Viết Hùng – Yŏng Anih chĕp kơ̆l pơgơ̆r khul linh vei lăng tơring sơlam dêh char Đắk Lắk, lơ̆m sơnăm 2024, dôm anih jang, khul grŭp, anih tĕch mơdro vang tơgŭm jên man đei 11 tŏ “Hnam bôl boăl” păng “Bơbŭng hnam tơ̆ tơring sơlam” tơgŭm ăn kon pơlei tơ̆ tơring sơlam păng đe linh đei tơdrong arih xa pơma tat găh hnam oei. Lơ̆m noh, hơdrô̆ VOV Tây Nguyên man tơgŭm 2 tŏ hnam đei kơjă 150 triu hlak jên.