'Nâu jing tơdrong pơgơ̆r jang đơ̆ng Phŏ Thủ tướng Juăt jang kơ teh đak bơ̆n Nguyễn Hòa Bình ah 'măng Hop akŏm sơkơ̆t tơdrong jang đei jơnei Tơchơ̆t jang kơ teh đak gah hơtŏk mŭk drăm – tơpôl tơring kon pơlei kon kông păng groi kông jăl jang  2021 -2025 păng tơlĕch tơdrong jang ăn jăl sơnăm 2026 -2030, tơring Tŏk Bŏk - Tây Nguyên, pơgơ̆r tơ̆ dêh char Gia Lai.

Pơma pơkăp Hop akŏm, Phŏ Thủ tướng Juăt jang kơ teh đak bơ̆n Nguyễn Hoà Bình ră hơdah, vă hơtŏk pran mŭk drăm – tơpôl tơring kon pơlei kon kông tơ̆ tơring Tŏk Bŏk - Tây Nguyên, lơ̆m jăl 2 sơnăm (2026 – 2030), Jơnŭm pơgơ̆r dôm tơdrong tơchơ̆t jang kơ teh đak tơlĕch dôm tơchơ̆t jang hơdah ăn jăl jang vă hơtŏk tơdrong hơrih ăn kon pơlei kon kông. Hơdrin hơtŏk iŏk yua hơtŏ hăm tong hơnê̆ hăm tơdrong iŏk yua kơ rim bơngai jang lơ̆m jơ̆p teh đak; tơjur kơsô̆ unh hnam hin dơnuh oei hơla 10%; ưh đei oei xah, thôn tơnap tap hloh; 70% xah đei jơnei tơring tơrang 'nao.