Meng harei 01/01/2021, Hukum Lao động 2019 hu ba tabiak pandar. Jeng meng tuk vak ni hu rilo salih bahrau pambuak tal bruk padeih hưu song jien lương hưu. Kadha Hukum negar song rai duik harei ni, khol hulin hu khan tal 3 kadha salih bahrau ka jien lương hưu, ba tabiak pandar meng thun 2021 bo urang ngak njauk thau:

Mbang iew phone, payua tin nhắn ban glai ban glo dak harei dak rilo ngak pandik hatai urang pandar phone, dalam nan hu gam dom mbang ieu phone di urang pachot, pagat jien tapa phone. Min dahlau diah oh ka hu adat hukum halei piah langyah kol bleik saleik nan. Dalam Sarak 91/2020/NĐ-CP, Rajaei hu tacei tabiak cambaih laih bruk pacang tin nhắn, thư điện tử, mbang iew phone ban glai ban klo.

Thủ tướng Nguyễn Xuân Phúc bahrau mbaoh tangin brei tabiak Sarak 22/2020/QĐ-TTg ka bruk trun meneing jien pah taneh thun 2020 ka dom urang gaok kan kandah kayua jit COVID-19.

Tut angan khai sinh lac bruk ngak tui adat hukum piah brei mboh bruk tabiak rai di sa anek menuac. Tapa tut angan khai sinh, menuac nan hu ngak harak khai sinh. Ini lac asal brei thau ka menuac nan, thau ka amaik ame, lac sa dalam dom jalan ba tal pambuak gauk gah adat hukum di karja haong rahra, saong dom talei rohim karei dalam xã hội. Kadha “Hukum negar saong Raidiuk” adit ini, kol drei duah thau dom adat pambuak tal bruk tut angan khai sinh:

Mintri jien padai bahrau tabiak Thông tư 69, tacei tabiak bruk ngak harak gar hồ sơ saong jalan langyah bruk tavak jien kak je tui Sarak ka 94/2019/QH14 di Quốc hội. Tui nan, bruk pacang sraiy, klaak sraiy jien kak je hu peih ngak tui jalan biak catang.

Gam gam dom harei jiak di ni, gah chức năng chap hu rilo urang ba menuac meng negar langiu tame Việt Nam suan hukum. Bruk ni ngak ka bhap bini pandiak hatai kayua tapa nan nyu ngak brei patagok bruk mbuan si njom mbak COVID-19 dalam bhap bini . Yau nan, bruk ni njauk langyah yau habar tui hukum?

Padeih harak pambuak bruk lac sa dalam dom paka hu rilo salih bahrau di Hukum Lao động 2019 song Hukum Lao động 2012, abih di nyu nan lac asar kadha pambuak tal quyền eng drei padeih harak pambuak bruk di urang ngak. Tui hukum bahrau, meng thun 2021, urang ngak mbuan si padeih harak pambuak bruk ngak jang. Tui nan, dalam dom bruk halei urang ngak hu quyền eng drei padeih harak pambuak bruk ngak bo oh cang khan brei thau dahlau, khol drei duah thau tapa kadha “Hukum negar song raiduik” harei ni:

Bruk pablei salih pandap ảo (lac pandap yau biak min oh hu biak), jabat ảo pandar piah pablei salih pandap panda, điểm thưởng… meng dom kadha ma-in điện tử jeng daok rah tabiak khang di dom urang ma-in, hu peih ngak tapa rilo jalan ngak karei di gauk angaok mạng xã hội atau website online. Yau nan min, tui adat hukum, bruk pablei salih pandap panda ảo, jabat ảo di dom urang ma-in haong gauk oh brei ngak, njauk pakauk.

Baoh siphau Bảo hiểm xã hội (BHXH) lac harak gar piah ka urang ngak meda langyah dom sarak pambuak tal BHXH. Min, rilo doanh nghiệp oh bayar veik baoh siphau ini ka urang ngak tuk padeih pambuak bruk ngak. Yau nan, urang ngak njauk ngak hagait piah khik quyền lợi di drei? Da-a mikva song tong abih gauk duah thau tapa kadha “ Hukum negar song rai duik” harei ni