Padeih harak pambuak bruk lac sa dalam dom paka hu rilo salih bahrau di Hukum Lao động 2019 song Hukum Lao động 2012, abih di nyu nan lac asar kadha pambuak tal quyền eng drei padeih harak pambuak bruk di urang ngak. Tui hukum bahrau, meng thun 2021, urang ngak mbuan si padeih harak pambuak bruk ngak jang. Tui nan, dalam dom bruk halei urang ngak hu quyền eng drei padeih harak pambuak bruk ngak bo oh cang khan brei thau dahlau, khol drei duah thau tapa kadha “Hukum negar song raiduik” harei ni:

Bruk pablei salih pandap ảo (lac pandap yau biak min oh hu biak), jabat ảo pandar piah pablei salih pandap panda, điểm thưởng… meng dom kadha ma-in điện tử jeng daok rah tabiak khang di dom urang ma-in, hu peih ngak tapa rilo jalan ngak karei di gauk angaok mạng xã hội atau website online. Yau nan min, tui adat hukum, bruk pablei salih pandap panda ảo, jabat ảo di dom urang ma-in haong gauk oh brei ngak, njauk pakauk.

Baoh siphau Bảo hiểm xã hội (BHXH) lac harak gar piah ka urang ngak meda langyah dom sarak pambuak tal BHXH. Min, rilo doanh nghiệp oh bayar veik baoh siphau ini ka urang ngak tuk padeih pambuak bruk ngak. Yau nan, urang ngak njauk ngak hagait piah khik quyền lợi di drei? Da-a mikva song tong abih gauk duah thau tapa kadha “ Hukum negar song rai duik” harei ni

Meng bruk cak rok patagok di mạng xã hội saong công nghệ thông tin, yaok harei khaol drei meda ba tagok blah cá nhân di drei dom kadha vak pagam tui dom blah thaot. Langiu di blah thaot di drei, rilo urang daok mek blah thaot di urang karei, gaok mai gam urang daneiy angan piah ba tagok blah cá nhân atau meyaih khan pablei salih pandap panda tuk oh ka hu bruk njauk hatai di dom urang nan. Tui adat hukum urak ini, ini lac bruk ngak suan adat hukum saong meda njauk taong phat meyah urang hu tagok blah thaot nan yak bak.

Jaik di ini, di rilo tỉnh, ban gam gam rah tabiak dom bruk taong paoh uranaih, dalam nan hu gam bruk amaik ame taong paoh anek pajeng di drei biak jhak. Bruk njauk biai nan lac rilo urang saneng lac “anek kamuan di drei ye drei hu quyền taong”, tuk oh njauk hatai haong bruk ngak di anek ye taong anek biak khang tangin bo oh thau nan lac bruk ngak pap uranaih, meda njauk ba tabiak kaoh tui gah hình sự. Yau nan adat hukum brei thau yau habar ka dom bruk langyah ngan haong bruk taong paoh uranaih?

Tukvak tapa, hu oh takik mbang urang blei taneh njauk lah pachot, lahik jien tuk blei dom taneh oh hu biak kayua urang pablei eng drei cih tabiak. Hu labik kaoh taneh hamu pablei, oh lac taneh daok, oh lac taneh pablei salih tuk oh ka hu ginup harak gar tui hukum.

tuk vak tapa, hu rilo urang peih radeih hadei di tuk ginuh tame menuac atau radaih karei blaoh nduac klaak, caik ka urana gaok bala dok pak nan. Hu urang metai kayua oh hu ba nao cấp cứu. Ni lac bruk ngak oh njauk di anek menuac bo dok suan hukum song meda njauk ba tabiak langyah gah hình sự. Dalam kadha “Hukum negar song rai duik” harei ni, daa mik va song tong abih gauk duah thau tanut langyah bruk radeih ba tal bala bloh nduac klaak tui hukum negar urak ini tapa kdha vak angaok mbao điện tử VOV.

Bahrau ini, dom urang pang rayo hu payua tal danak dak panuac tangi sua ka bruk khin mek jien sa mbang blaoh hadei di tuk blei Bảo hiểm xã hội (BHXH) ye brei ngak dom harak gar yau habar ? Hu urang caong thau ka tukvak blei Bảo hiểm piah hu mbang jien lương hưu song tukvak metain hu kuhria tame tukvak blei BHXH halei oh? Kadha Hukum negar song rai duik adit ni , khol hulin likau langyah panuac tangi sua nan yau ni :

Tui pataom iek veik 10 thun peih ngak Hukum nao mai angaok jalan mbak thun 2008 di dom mintri, dom gah saong dom tỉnh, ban, gam haong bruk khik ramik, tacei pato di Rajaei, Mintri jalan mbak pajeng ba hu padang Hukum nao mai angaok jalan mbak (pasiam veik) salih ka Hukum nao mai angaok jalan mbak thun 2008 piah langyah dom tavak tavaiy dalam Hukum nao mai angaok jalan mbak thun 2008. Dự thảo Hukum nao mai angaok jalan mbak pasaim veik jaik hu pok tagok Rajaei meda hu rilo kadha bahrau njauk haong bruk di urak ini, lagaih haong adat hukum di dunya.