Mikva urang pang rayo anit ranam! Ong Lý Du Sô thun ni umo 56 thun . Labaih 10 thun ngak Phó Ban đại diện urang Chăm Islam di ban raya Hồ Chí Minh, urak ni ong lac Akaok Ban đại diện. Yaom lac ngak bruk oh hu jien bilan min luac tuk vak tapa, ong song dom urang dalam Ban đại diện dok kham merat daong ka bhap bini piah ngak ka xã hội hu siam mekre jang. Dalikan ong Lý Du Sô bac megru Wa piah ngak bruk ka bhap bini hu siam jang hadei ni di Ái Nghiêm, urang vak di rayo sap ndom VN dok di ban raya Hồ Chí Minh hu khan tal kreih camin hadah krah ni. Daa mik va song tong abih gauk tui pang:

Pathau mik va song tong abih gauk! Dom thun tapa, bruk “ngak tui panuac pato di Wa, peih bruk patak patom, dong gauk patrun kathaot khang kajap” hu dom pakat kapul urang kamei tỉnh Sóc Trăng jhul khang. Langui dom bruk ba tabiak ngak yau pabui haluk patak patom, kapul urang urang kamei patak patom ia, kapul urang kamei patom phun jien dong gauk patrun kathaot, kapul urang kamei dong gauk ngak mbang…. Kapul Liên hiệp urang kamei tỉnh dok ba tabiak ngak hu siam lagaih bruk “ngak ka hareik tabiak jeng jien”. Tapa 5 thun ba tabiak, bruk ni hu dong jhul kandun likuk bruk klak hareik ban glai ban klo, mek hu kein laba glong dalam bruk khik caga alam môi trường. Kadha vak di Thạch Hồng – urang vak di rayo sap ndom VN daok di bhum taneran krong CL.

Pathau mikva saong taong abih gauk! Lac bhum palei hu rilo kraong ribaong, bruk nao mai di bhap bini dom labik bhum palei pala dalam tỉnh Sóc Trăng daok gaok kan kandah. Gam saong bruk buh jien tame ngak di karja, daok hu rilo kapul nyaom, menuac urang rik pren yava, jien padai tame daong ngak ka bruk nao mai di palei pala hu rilo salih bahrau. Meda ndom tal dom mbaik tatua di kapul padang tatua ngak pahla di xã Tân Long, ban sit Ngã Năm padang ngak, hu daong ka rilo bhap bini bhum kraong ribaong nao mai hu mbuan lagaih. Kadha vak di Thạch Hồng, urang vak di rayo sap ndom VN daok di bhum taneran kraong CL:

Pathau mik va song tong abih gauk ! Dom thun jiak di ni, dom cơ sở y tế di tỉnh Ninh Thuận dok dang anak bruk kurang jru, ngak kan kandah tal bruk iek ruak di bhap bini. Makna di bruk ni lac bruk dong, pabak jru di gah y tế tỉnh oh ka samu gauk song oh njauk tuk. Kadha vak di Thúy Linh – urang vak di rayo sap ndom VN dok di ban raya Hồ Chí Minh brei thau ka bruk nan:

Pathau mik va song tong abih, Di bhum gah merong hu 2 labik peih harei ilamu tapuk yaok 2 thun 1 mbang, lac ban raya HCM dalam dom thun chẵn song ban Cần Thơ dalam thun lẻ. Hadei meng jak jeng di Harei pataom tapuk tapuk Cần Thơ mbang ka sa, harei pataom tapuk mbang ka 2 di bilan 3 meng bloh hu cang maong yau sa kadha prong di urang puac tapuk rilo umo thun karei di gauk di ban Cần Thơ song dom tỉnh dok jiak taphia. Harei pataom tapuk cong ba mai pachreih ba praong ka bruk patagok sáng tạo, xuất bản dalam bhum. Kadha vak di Lệ Hoa, urang vak di rayo sap ndom VN dok di bhum taneran krong CL vak meng harei pataom tapuk Cần Thơ mbang ka 2.

Pathau mik va song tong abih gauk! Meng bruk rong hadang sú dom thun jiak di ni dang anak rilo khat lihik, rilo mik va ngak mô hình rong hadang quảng canh song hadang - padai di Cà Mau daok salih tapa palao rong hadang takai patih. Urak ni, bruk ngak ini dok tamuh tabiak khang. Bruk nan dok mbuan ba tal rilo kan kandah, meyah bhap bini hava laba bo palao rong gam gam rilo mbang. Khánh Hưng, urang pambuak bruk daok di Cà Mau hu kadha vak khan ka bruk ni.

Khu phố 2, phường 12, quận 10, ban raya Hồ Chí Minh nan lac labik daok di labaih 44 baoh sang urang Cam Islam.