VOV4.VOV.VN - Yaok panuac ndom biai, yaok bruk ngak di ong hu pachreih ba mikva dalam palei Cam kham merat ngak mbang, oh daok hu hatai cang Karja daong, oh caik taneh klaak saoh, oh brei lahik glai. Meng abih hatung hatian, ong hu ba abih prein yava di drei brei ka bruk sron mbon, cakrok di palei Cam. Nan lac ong Huỳnh Văn Cơ (umo 64 thun) daok di palei Cam Phò Trì, xã Tân Thắng, huyện Hàm Tân, tỉnh Bình Thuận.

VOV4.VOV.VN - Ong Đàng Nguyên, daok di palei Tân Đức, xã Phước Hữu, huyện Ninh Phước, tỉnh Ninh Thuận hu bhap bini pok ngak urang hu angan je meng thun 2012. Piah pabak veik hatai jia nan di bhap bini, ong Đàng Nguyên tuk halei jeng nao jaik pathau khan, jak ba bhap bini Cam salih jalan sahneng, jalan ngak, ba ilamu - kỹ thuật tame pala - ngak, cakrok kinh tế sang. Langiu di nan, ong daok pachreih ba dom but pajaih jhul khang bruk pachreih bac, peih pato saong pasiam veik bruk ngak alat ragam meng kan di urang Cam. Bruk ngak di ong hu mikva dalam palei iek praong, anit ranam.

VOV4.VOV.VN - Khan parabha brei thau ka ilamo di dalam ngak mbang, jak ba mikva ngak njauk, ngak siam tui sarak di Ndang, hukum Nagar di Kanja, dahan ba abih hatai jai prein yawa tame dom danak dak padang palei pala bahrau, bruk rik daong kein lagaih nan, hu ong Sơn Khiển sa urang bangsa Khmer hu rahra daok di puk palei Trà Do, xã Lâm Kiết, huyện Thạnh Trị, tỉnh Sóc Trăng pilih ruah lac urang hu angan je di bhum palei.

VOV4.VOV.VN - Dom thun tapa, urang hu angan je dalam bhum bhap bini bangsa takik di tỉnh Bình Thuận tuk halei jeng ngak siam bruk pambuak talei rohim Ðảng saong bhap bini, rik daong paglaong raidiuk, patruh eik patrun kathaot di palei. Ong Man Mu, bangsa Rai, daok di palei Đồng Me, xã Đức Thuận, huyện Tánh Linh lac sa dalam dom kreih camin yau nan. Oh lac ngak mbang naih joi bo daok abih drei hu mbaok tame bruk puk palei, pathau khan jalan ngak, sarak di Đảng, hukum di Karja tal bol bhap rahra di drei.

VOV4.VOV.VN - Amuk Thạch Thị Thiêng, urang kumei bangsa Khmer lac urang padang tabiak kalup kapul Anit ranam gauk di puk Thốt Lốt, xã Ngũ Lạc, huyện Duyên Hải, tỉnh Trà Vinh tui jalan ngak lac “hala siam pacang hala tahak”, “Sa candaih tuk lapa samu sa paok tuk trei” Rilo thun tapa, amuk tuk halei jeng abih hatai daong ka rahra, daong ka mikva puk paga ngak mbang yam tagok trei sil. Kadha manuac gheih bruk siam harei ini, daa mikva saong taong abih gauk pang kadha vak di Thanh Hòa hu ba tagok mbao online Bangsa bhum ceik.

VOV4.VOV.VN - Pambuak pagam haong bruk puk palei jaik 20 thun, sa-ai Điểu Hoang (ndih tapui 1985), bangsa Mnông daok di xã Đắk Ru, huyện Đắk R’lấp, tỉnh Đắk Nông hu rilo hadah krah biak hu yaom daong ka bhap babi hu pandap panda piah pala drak, cak rok patagok kinh tế, pamedeih tagok hatai saneng yam tagok di bhap bani. Sa-ai Điểu Hoang daok hu rik daong biak prong dalam bruk jak ba bhap bani gul pataom gauk dak padang puk palei dak harei dak trei sil. Kadha “Manuac gheih bruk siam” harei ini da-a mikva saong taong abih gauk tui pang kadha vak di Hoàng Thùy angaok harak báo Bangsa cak rok patagok.

VOV4.VOV.VN - Ngak tea meng phun jru lac jalan bo Lê Vương Quốc Hùng (daok di ấp Bình Phong, xã Tân Mỹ Chánh, ban Mỹ Tho, tỉnh Tiền Giang) pilih ruah ka drei angaok jalan padang mbang ngui. Langiu di nan, sa-ai daok kham merat ngak bruk pahala, daong ka mikva kan kathaot taong ruak.

VOV4.VOV.VN - Bac tamat Khoa Hóa học, Sang bac Đại học Sư phạm TP. Hồ Chí Minh, thun 2004 anai gru Đạo Thị Thanh Du mai ngak bruk di Sang bac THPT Tôn Đức Thắng, huyện Ninh Hải, tỉnh Ninh Thuận. jaik 20 thun pato bac, anai tuk halei jeng kham merat patoa veik ilamu di drei brei ka anek saih meng abih hatung hatian, piah ka dom adei thau samar di abih, bac siam di abih.

VOV4.VOV.VN - Di xã Long Tân, huyện Phú Riềng, tỉnh Bình Phước, dom harei puac adit atau puac bilan, hu labaih piluh urang kumei S'tiêng rilo umo thun karei di gauk, ba gauk menyim khan bai. Oh lac ngak tabiak dom blah khan bai ndung mbak ilamo siam gheih, dom urang nan daok hu pato veik ka anek kamuan hu hatai takre bruk menyim meng kan di bangsa drei. Kadha manuac gheih bruk siam harei ini, daa mikva saong taong abih gauk pang kadha vak hu ba tagok Mbao Bangsa saong bhum ceik hu angan lac: Dom urang khik ramik bruk manyim khan bai bangsa S’tiêng.

VOV4.VOV.VN - Di palei lan am Cam Hamu Traok - Bàu Trúc, ban sit Phước Dân, huyện Ninh Phước, tỉnh Ninh Thuận thei jeng thau ong Đàng Năng Thạch, urang yuk Saranai. Menuac sia palei Bàu Trúc tuk halei jeng anit ranam ong, kayua lac langiu di yuk Saranai gheih, ong daok me-in hu Ginăng, Baranưng saong pato veik alat ragam bangsa ka rahra, bangsa di drei. Kadha “Menuac gheih bruk siam” harei ini, urang pambuak bruk Thùy Linh hu kadha vak brei thau ka nghệ nhân ini.