Dak Lak leh anăn Bình Định mâo leh dŭm bruă bi hgŭm mđĭ kyar hiu čhưn ênguê mơ̆ng thŭn 2016 mơ̆ng hdră bi siñê mkŏ mjing klei bi hgŭm mđĭ kyar hiu čhưn ênguê 4 čar Bình Định – Phú Yên – Gia Lai – Dak Lak. Truh thŭn 2022, hdră bi hgŭm anei dưi mbŏ thiăm 2 čar Quảng Ngãi leh anăn Kon Tum, mkŏ mjing hdră mđĭ kyar hiu čhưn ênguê 6 čar kwar Krah - Lăn Dap Kngư hŏng akŏ Lăn Dap Kngư liă lia hŏng êa ksĭ.
Khua gĭt gai bruă hiu čhưn ênguê dua čar hưn mthâo kơ mnơ̆ng dhơ̆ng hiu čhưn ênguê, knăm mơak dhar kreh leh anăn hiu čhưn ênguê hlăm thŭn anei mơ̆ng dua alŭ wăl. Phung bi ala ăt bi trông kơ hdră mđĭ klei bi hgŭm tuôr, boh nik hlăm yan mdei prŏng thŭn 2023, mđĭ klei hâo hưn, iêo jak tuê hiu čhưn ênguê truh ti Bình Định leh anăn mklăk wĭt. Phung bi ala anôk bruă duh mkra 2 čar ăt lač kơ klei dleh dlan, gun kpăk brei ruh mgaih ăt msĕ mơh kčĕ dŭm hdră msir čiăng mđĭ klei bi hgŭm, mđĭ klei hiu čhưn ênguê./.
Viết bình luận