Aguah 11/6, Anôk bruă kƀĭn ala gưl XV mphŭn mŭt hlăm Klei bi kƀĭn tal 9 gưl 2, tĭng srăng mkŏ mjing mơ̆ng ară anei truh kơ jih hruê 27/6. Ti anôk mă bruă aguah 11/6, Anôk bruă kƀĭn ala hmư̆ leh klei hưn mdah, bi mklă lehanăn bi trông ti êpul kơ dŭm mta hlăm klei čih mkra hdră mtrŭn, hdră bhiăn, hlăm anăn mâo Hdră mkŏ dăp anôk bruă knŭk kna gưl čar thŭn 2025.

Hluê hdră, Knŭk kna srăng ba mdah 23 hdră mkŏ dăp hŏng 52 čar, ƀuôn prŏng, mkŏ mjing 23 čar, ƀuôn prŏng mrâo, krơ̆ng kjăp 11 êpul, snăn kluôm ala knŏng dôk 34 čar, ƀuôn prŏng. Ênoh mnuih mă bruă ti dŭm anôk bruă gưl čar leh mkŏ dăp êbeh 447.000 čô. Phung bi ala sa ai hŏng hdră čih mkra anei, tĭng dlăng bruă čih mkra Hdră anei djŏ hŏng klei gĭt gai mơ̆ng Gưl dlông, djŏ hŏng Hdră mtrŭn 60/2025 mơ̆ng Klei bi kƀĭn gưl dlông 11, tal XIII./.