Daklak ênoh mnuih hlăk đuĕ nao kơ mduôn jing lu. Anei jing klei bi trông djŏ tuôm kơ klei dôk găn kơ ênoh mnuih hŏng phung mniê, lehanăn kčĕ hdră êlan kơ êpul hgŭm bruă mniê gưl dlông Việt Nam mkŏ mjing leh aguah mbrue (22/4) ti Daklak. Ti anôk trông čhai, phung bi ala mđing bi mngač dŭm hdră êlan djŏ tuôm hŏng ênoh mnuih hlăm phung mniê, bruă klam mơ̆ng phung mniê, hlăk ai hlăm dŭm hdră êlan klei kơ ênoh mnuih.

Ksiêm dlăng dŭm hdră êlan mơ̆ng čar čiăng mghaih msir klei kơ ênoh mnuih, boh nik ya mta bruă djŏ tuôm hŏng phung mniê. Mơ̆ng anăn mâo klei akâo si hdră krơ̆ng kơ ênoh kkiêng anak bi djŏ, dưi bi kna ênoh êkei lehanăn mniê, dlăng kriê jăk klei suaih pral mnuih khua thŭn. Aduôn Đàm Thị Vân Thoa, Khua êpul bruă hdră êlan klei bhiăn, êpul hgŭm bruă gưl dlông mniê Việt Nam brei thâo: Dŭm mta klei bi êdah hlăm anôk bi trông srăng jing knơ̆ng kơ klei bi leh bruă kreh knhâo kơ “Hdră êlan ênoh mnuih lehanăn klei mđĭ kyar čiăng bi mâo hdră êlan djŏ guôp hŏng phung mniê”, mâo êpul hgŭm bruă mniê Việt Nam kiă kriê.