Mbĭt anăn brei klei blŭ kơ dŭm mta mkăn kñăm mprăp kơ Klei bi kƀĭn Knŭk kna grăp gưl mlan 4 thŭn 2025 ăt msĕ mơh dŭm bruă klam yuôm bhăn mkăn hlăm wưng ti anăp.

Blŭ hrăm ti anôk bi kƀĭn, Khua knŭk kna mtă kơ dŭm Phŭn, dhar bruă, alŭ wăl lŏ dơ̆ng hluê ngă kjăp dŭm hdră msir mtrŭt mđĭ bruă đĭ kyar hlăk tar rŏng lăn dôk mâo lu klei dleh dlan, lông dlăng, rơ̆ng hluê ngă dŭm mta kñăm đĭ kyar hluê djŏ hdră mtrŭn, klei klah čŭn, klei gĭt gai mơ̆ng Gưl dlông, Phŭn bruă kđi čar, Anôk bruă kƀĭn ala, Knŭk kna, mđing kơ bruă mjing boh kdrŭt mrâo kñăm mđĭ kyar. Mbĭt anăn, brei mprăp jăk kơ Klei bi kƀĭn tal 9, Anôk bruă kƀĭn ala gưl 15 hŏng lu bruă, hdră mtrŭn, hdră bhiăn yuôm bhăn…/.