Ti anôk bi trông, Khua knŭk kna Phạm Minh Chính mñă gưl hiu čhưn ti Việt Nam giăm anei mơ̆ng Khua gĭt gai China Tập Cận Bình jing gru kruăk hƀuê ênuk, hdră êlan phŭn kơ klei bi mjĕ dua Đảng, dua ala čar.

Khua knŭk kna mtă kơ dua tĭng krơ̆ng kjăp klei bi trông gưl dlông; mtrŭt mđĭ hdră bi hgŭm hlăm bruă duh mkra, mnia mblei, duh bi liê hluê hdră bi knar, mbĭt anăn pŏk mlar hdră bi hgŭm hlăm bruă kdrăp mrâo, mlih mrô, mjing boh kdrŭt kơ klei bi mjĕ dua nah. Khua knŭk kna Lý Cường tŭ ư hŏng klei ba mdah lehanăn mñă China mprăp bi hgŭm kjăp hŏng Việt Nam bi mklă klei thâo săng mbĭt plah wah phung khua kiă kriê dua ala čar; mđĭ hdră bi trông, bi kjăp klei đăo knang hlăm bruă kđi čar lehanăn mtrŭt mđĭ hdră bi hgŭm klă sĭt, boh nik hlăm bruă mnia mblei, duh bi liê mâo hnơ̆ng tŭ jăk lehanăn bi hgŭm hlăm anôk bruă nah gŭ./.