Mơ̆ng anăn, leh klei bi mŭt mbĭt hŏng čar Bình Định, čar čiăng mâo hlăm brô êbeh 1.000 boh sang dôk kơ mnuih mă bruă, ka yap ôh wăt êpul bruă Đảng lehanăn êpul gơ̆ng bruă ƀuôn sang. Snăn ară anei, čar Gia Lai knŏng mâo mă sa anôk jing sang dôk kơ mnuih mă bruă ti ƀuôn prŏng  Pleiku, mdơ̆ng mơ̆ng hlăk thŭn 2005 mâo 12 boh adŭ, hlăm anăn 6 boh adŭ hlăk lui êhŏng.

Tui si klei čiăng bi mâo 3 dôk prŏng, 509 boh sang dôk bi lir lehanăn 500 boh sang jing anôk dôk lu mnuih. Knơ̆ng bruă rŭ mdơ̆ng akâo leh kơ klei bi mlih hdră bhiăn klei kơ sang dôk čiăng dưi pŏk mlar mnuih dưi dưn yua, mưn dôk hlăm sang dôk kơ mnuih mă bruă, mâo wăt knuă druh amâo mâo dôk hlăm ênoh bi mlih anôk mă bruă, ƀiădah brei mlih anôk dôk. Tui si hdră êlan bi mŭt mbĭt, mâo hlăm brô 2.000 čô knuă druh srăng mbĕ anôk dôk nao dôk kơ anôk mă bruă mrâo ti Quy Nhơn, kyua anăn čiăng bi leh jih jang bruă mkăp sang dôk kơ mnuih mă bruă. Leh klei bi mŭt mbĭt, čar Gia Lai srăng mâo lu knuă druh truh kơ Quy Nhơn, Bình Định mă bruă./.