Păt čiăng jih anôk bruă mâo klei đĭ kyar mkă hŏng wưng anei thŭn êlâo. Mrô mơ̆ng bruă tuh tia mkra mjing đăo tĭng đĭ êbeh 20%, ênoh čhĭ mnơ̆ng hliê lehanăn ênoh hrui mâo êbeh 10 êbâo êklai prăk; hrui wĭt ngăn prăk knŭk kna mâo êbeh 4.900 êklai prăk. Hdră ba čhĭ mnơ̆ng kơ ala tač êngao, duh bi liê, bruă dhar kreh, hiu čhưn ênguê, đru kơ ala ƀuôn ăt mâo boh tŭ dưn.

Hdră đru rŭ mdơ̆ng, mkra wĭt sang tĭ ƀrôč dưi pŏk ngă mjêč, mâo êbeh 54% hdră kčah. Mbĭt hŏng dŭm boh tŭ dưi mâo, klei bi kƀĭn ăt hưn klă dŭm klei êdu kƀah msĕ si: Hnơ̆ng đĭ kyar ka pral, lu hdră êmưt hluê ngă, dŭm anôk bruă duh mkra mdei hdră mă bruă ăt lu. Ti anôk bi kƀĭn, Nguyễn Đình Trung, Khua bruă Đảng čar mtă kơ dŭm alŭ wăl hlăm čar gĭr hluê ngă jih bruă mâo kčah jao, ƀư̆ mkra klei êmưt ngă bruă leh mâo hdră mkŏ wĭt anôk bruă ti dŭm êpul êya, amâo lui klei hmăi hmăi truh kơ boh tŭ hdră mă bruă mơ̆ng čar./.