Klei duh mkra đĭ hĭn 20% mkă hŏng wưng anei thŭn dih, jing hnơ̆ng kdlưn hĭn mơ̆ng akŏ thŭn. Bruă bi êran pui kmlă mâo êbeh 2,4 êklai kWh, đĭ 16%. Klei mnia mblei lehanăn bruă hiu čhưn ênguê ăt lŏ kơrŭ wĭt, mđĭ ênoh mnia mblei mnơ̆ng hliê lehanăn ênoh mâo ba wĭt mơ̆ng phung blei mnia đĭ giăm 15%, ênoh tue hiu čhưn ênguê đĭ êgao kơ mkrah mkă hŏng thŭn dih.

Boh nik, ênoh ngăn prăk mâo ba wĭt giăm 5.000 êklai prăk, đĭ êbeh 35% mkă hŏng wưng anei thŭn dih. Hlăm bruă lŏ hma, khădah ka truh yan hrui êmiêt phŭn, bruă rông mnơ̆ng bi knăl kơ klei lŏ dơ̆ng đĭ, ênoh jih jang mnơ̆ng rông êbeh  17%, ênoh kđeh hgăl đĭ êbeh 6%. Bruă răng mgang klei ruă tưp mâo hyuă kjăp, rơ̆ng kjăp kơ bruă rông mnơ̆ng./.