Khua gĭt gai Đảng bi mni kơ dŭm boh tŭ dưn leh mâo mơ̆ng êpul khua kiă kriê gưl dlông, hlăm bruă kăp kčĕ kơ bruă mkŏ mjing klei bi kƀĭn prŏng Đảng; bi myuôm ai tiê mă bruă hŏng klei klă, čŏng ksiêm wĭt, lehanăn bi êdah 5 mta klei awăt mbĭt hŏng 4 mta pô phŭn ba truh klei anăn. Khua gĭt gai Đảng mtă kơ êpul khua kiă kriê gưl dlông lŏ dơ̆ng mâo dŭm hdră êlan djŏ hĭn, ktang hĭn.

Mñă hlăm wưng ară anei jing dôk hlăm klei mjêč prăp êmiêt kơ klei bi kƀĭn prŏng Đảng 14, Khua gĭt gai Đảng mtă kơ êpul khua kiă kriê gưl dlông dưn yua hĭn klei kăp kčĕ đru jih jang hdră êlan, mđing bi leh klei bhiăn, mlih mrâo hlăm bruă dăp knuă druh, mđĭ klei trâo tă hdră mă bruă, mkŏ mjing bruă kđi čar hlue hdră êlan mrâo, bi mă bruă hŏng klei jăk tŭ jing, mprăp jăk kơ bruă čih mkra hră mơar, lehanăn klei dăp mnuih nao ti anôk bi kƀĭn gưl ti anăp./.