Phung mă bruă hlak mblang hưn mdah leh lu klei thâo hlăm bruă ba yua kdrăp mrô hlăm anôk bruă klei mrâo mbĭt anăn hưn klă klei găl lehanăn lông dlăng mơ̆ng phung mă bruă klei mrâo hlăm hdră bi mlih mrô dôk mâo pral wưng ară anei; bi trông kơ hdră čiăng kơ anôk bruă klei mrâo mđĭ lar jih klei găl hlăk kdrăp mrâo ƀrư̆ hruê ƀrư̆ đĭ kyar, klei lông dlăng, klei bi ktưn ƀrư̆ hruê ƀrư̆ mâo prŏng.

Hluê si pô mă bruă klei mrâo Nguyễn Văn Phú, Khua êpul hgŭm phung mă bruă klei mrâo čar Dak Lak, dŭm thŭn giăm anei, bruă klei mrâo ti Dak Lak mâo leh dŭm knhuang nao kjăp kyua mâo kdrăp mrô. Dŭm klei hưn, klei čih mâo hưn mdah lu hlăm kdrăp mrô ênuk mrâo, hưn mdah mmông anăn mtam (live stream) jak iêu lu mnuih dlăng. Phú mñă, ênuk mrô amâo djŏ jing klei lông dlăng, ƀiădah jing klei găl čĭăng kơ anôk bruă klei mrâo mđĭ hnơ̆ng tŭ jăk, pŏk mlar ênoh mnuih dlăng, dưi bi mjĕ pral, klă hŏng klei hâo hưn./.