Phung bi ala bi lač, bruă duh mkra Việt Nam hlăk čhuang hlăm klei bi mlih, êjai klei ñŭ kma prŏng hŏng ala tač êngao, bi mlih mtah bi mlih mrô, lehanăn tui tiŏ hdră êlan bi duh mkra djŏ hŏng klei tar rŏng lăn dôk čiăng. Hlăm hdră êlan mđĭ kyar bruă duh mkra truh kơ thŭn 2030, tă êlan truh thŭn 2045, ai čŏng pô hlăm klei duh mkra, tui nao hlăm klei tuh tia mkra mjing djŏ hŏng hdră êlan mơ̆ng tar rŏng lăn dôk čiăng, dưi yap jing klei bi mklă djiê hdĭp mơ̆ng Việt Nam amâo mâo djŏ knŏng mkŏ mkra brei kơ ala tač êngao đuič ôh, ƀiădah srăng jing anôk phŭn kơ bruă tuh tia kdrăp mrâo mrang hlăm alŭ wăl.

Hdră mtrŭn mrô 57 kơ klei mđĭ kyar kreh knhâo, kdrăp mrâo, mlih mrâo hŏng klei mbruă, bi mlih mrô gưl ala čar lehanăn hdră mtrŭn mrô 68 kơ bruă mđĭ kyar klei duh mkra êngao knŭk kna srăng mjing atur yuôm bhăn kơ bruă tuh tia, lehanăn bi mlih mrô truh thŭn 2030. Mơ̆ng anăn mtrŭt bruă tuh tia Việt Nam čŏng pô, mđĭ kyar kjăp wưng tinăp./.