Čar Quảng Ngãi bi klă hdră êlan mkra mđĭ êlan dơ̆ng mrô 24 êbeh 2.350 êklai prăk
Thứ năm, 10:44, 16/04/2026
VOV Tây Nguyên
VOV Tây Nguyên
VOV.Êđê - Bruă sang čư̆ êa čar Quảng Ngãi mrâo ba mdah hdră êlan bi klă hdră mkra mđĭ êlan dơ̆ng mrô 24 hŏng ênoh duh bi liê êbeh 2.350 êklai prăk.
Hdră mâo boh tlaih 48,4km, dưi mkra mjing hluê si ênoh čuăn êlan gưl 3 leh anăn gưl 4 krĭng čư̆ čhiăng. Ƀô̆ êlan prŏng 9m, êlan hŏng gŭ drông leh anăn bêtông. Hdră mĭn tĭng yua ngă prăk gưl dlông hlăm brô 2000 êklai prăk leh anăn ngăn prăk alŭ wăl hlăm brô 350 êklai prăk.
Anôk ngă hdră ti dŭm să Ba Tơ, Ba Tô, Ba Dinh, Ba Vì leh anăn Kon Plông, čar Quảng Ngãi. Mông ngă hdră mĭn tĭng mơ̆ng thŭn 2026 - 2028. Hdră dưi hmăng hmưi bi lar bruă klam mkŏ alŭ wăl Yu čar Quảng Ngãi hŏng dŭm čar Dhŭng kwar krah leh anăn Lăn Dap Kngư, mbĭt hŏng dŭm anôk bruă duh mkra, kdrŭn ksĭ prŏng msĕ si Chu Lai, Dung Quất; mbĭt anăn mtrŭt mđĭ klei mjĕ mjuk dhar kreh, mđĭ kyar bruă hiu čhưn ênguê ti dŭm alŭ wăl msĕ si Măng Đen, ƀăng jang knông lăn Bờ Y.
Viết bình luận