Blŭ hrăm pŏk klei bi kƀĭn, khua gĭt gai IPU Tulia Ackson bi êdah klei dôk hyưt kơ klei amâo mâo mtăp mđơr ară anei dôk đĭ hĭn êjai, ăt msĕ mơh hưn brei răng kơ klei bi mlih yan adiê leh anăn klei klei amâo mâo jăk hŏng anak mnuih.

Ñu mnă klă bruă klam jing phŭn mơ̆ng Bruă Kbĭn ala hlăm bruă mkŏ mjing klei sa ai, ktrâo ată dŭm hdră êlan leh anăn bi klă dŭm hdră êlan tar rŏng lăn, mbĭt anăn iêo mthưr dŭm Bruă Kbĭn ala čiăng bi klă 2 hdră trah dlăng yuôm bhăn jing: mtrŭt mđĭ klei kluôm dhuôm, gĭr hŏng klei blŭ hrăm leh anăn ngă bruă hŏng hdră tă sui kyua dŭm ênuk gưl hlăm êdei anăo, hluê anăn bi kjăp hdră êlan lu tĭng leh anăn Êpul hgŭm lu ala čar mâo bruă klam jing mta kñăm. Êpul gơ̆ng prŏng IPU-152 srăng kƀĭn mơ̆ng hruê 15 - 19/4. Hluê si hdră kčah, Khua Bruă Kbĭn ala Trần Thanh Mẫn srăng mâo klei blŭ hrăm yuôm bhăn hlăm gưl bi trông mbĭt.