K’iăng khua knŭk kna bi myuôm Phŭn bruă djuê ana lehanăn klei đăo mâo leh lu klei gĭr hlăm bruă hlue ngă dŭm bruă čuăn mâo jao, boh nik leh klei dăp wĭt. Kơ dŭm bruă năng mđing hlăm wưng tinăp. K’iăng Khua knŭk kna Hồ Quốc Dũng mtă brei bi leh klei bhiăn mă bruă, hlăm anăn mâo dŭm hdră êlan kơ hđeh hriăm hră, phung hriăm jing mnuih djuê ƀiă, ksiêm duah mkŏ mjing hdră êlan mjing bruă knuă mă, mđĭ kyar dŭm mta bruă, mkŏ anôk mă bruă kơ hđeh mnuih djuê ƀiă, čiăng mđĭ kyar klei hdĭp mda mnuih djuê ƀiă.

K’iăng khua knŭk kna mtă, Phŭn bruă djuê ana lehanăn klei đăo ngă bi sĭt bruă khăt bi hrŏ, bi ênưih bruă ngă hră mơar êlâo kơ hrue 20/4; lŏ dơ̆ng ksiêm dlăng klei mbha gưl, mbha klei dưi hlue ngă bruă sang čư̆ êa alŭ wăl dua gưl. Hŏng hdră ala čar kñăm kơ djuê ana bi lŏ ksiêm wĭt, rơ̆ng klei bi liê ngăn prăk, mă bruă bi djŏ mta kñăm hlăm klei tŭ dưn./.