Mơ̆ng akŏ thŭn truh ară anei, alŭ wăl drông leh êbeh 41.700 hnơ̆ng tue, hlăm anăn êbeh 2.100 gưl tue ala tač êngao leh anăn kčah klei kñăm jih thŭn mâo 173.000 gưl. Hnơ̆ng đĭ kyar dưi mđĭ lar hơĭt kjăp hlăk hnơ̆ng tue đĭ leh mơ̆ng 40 êbâo gưl thŭn 2022 truh 155 êbâo gưl thŭn 2025.

Klei găl wăl hdĭp mda jăk êđăp, anôk hiu dlăng dôk hrông hŏng klei dhar kreh mdê hjăn đru kơ Phú Quý iêô jak tue hiu čhưn, hŏng lu mta hiu čhưn ênguê msĕ si hiu čhưn ênguê hlăm êa ksĭ, êpul êya, mjuăt asei mlei hlăm êa ksĭ. Êngao anăn, alŭ wăl dôk kƀĭn mkra mđĭ anôk bruă êlan klông nah gŭ, hdră dŭ mdiăng, anôk dôk jưh leh anăn phŭn êa, mbĭt anăn ksiêm dlăng hdră msir pŏk êlan phiơr kñăm rơ̆ng mkŏ hiu čhưn ênguê hlăm klei găl yan adiê amâo găl jăk, mđing kơ mđĭ kyar hơĭt kjăp.