Tui si Êpul hgŭm Kphê Ƀuôn Ama Thuôt – êpul êya mkŏ mjing, thŭn anei klei bi lông mâo truh 82 êpul êya mâo ba bi lông truh 185 mta kphê ba bi lông. Jih jang ênoh kphê ba bi lông mâo giăm 348 tôn hnơ̆ng boh mnga, đĭ 42% mkă hŏng 2025.

Anei jing klei bi knăl jăk, brei ƀuh klei tŭ mơ̆ng kphê Việt Nam amâo mâo djŏ knŏng ti hnơ̆ng điêt ôh, ƀiădah dơ̆ng tui nao hlăm klei mnia mblei prŏng, mâo ênoh čuăn kčah prŏng hĭn mơh. Mta mrâo hlăm klei bi lông anei jing mđĭ hĭn bruă mkra mjing ênuk mrâo mrang, mjing lu mta mnơ̆ng jăk, hŏng mnâo mnañ jăk, mđĭ boh tŭ mơ̆ng kphê. Mbĭt hŏng anăn, klei bi lông thŭn anei, lŏ mâo dŭm krĭng pla mjing mrâo, nao mđrĭng hŏng đang kphê hđăp, brei ƀuh bruă pŏk mlar, klei đĭ kyar bruă kphê jăk mơ̆ng Việt Nam.