Boh tŭ dưn jing, Tô Lâm – Khua hlăm phŭn bruă kđi čar, Khua phŭn bruă kahan ksiêm, Pô bi ala bruă kƀĭn ala gưl 15, dôk hlăm êpul khua bi ala bruă kƀĭn ala čar Hưng Yên mâo leh bruă kƀĭn ala ruah ñu păn ngă khua lăn čar yang ƀuôn ngă phŭn Việt Nam, wưng păn bruă 2021-2026. Klei bi klă bruă ruah Tô Lâm păn bruă anei, mâo leh phung bi ala bi klă hŏng 472/473 phung bi ala tŭ ư truh 96,92% hlăm ênoh jih jang phung bi ala hlăm bruă kƀĭn ala. Khua lăn čar mrâo ngă klei đĭ păn bruă mâo klei ƀuăn sĭt suôr hŏng lăn čar, hŏng mnuih ƀuôn sang, lehanăn hdră bhiăn phŭn, ti anôk bruă kƀĭn ala êjai đĭ păn bruă. Đại tướng Tô Lâm kkiêng thŭn 1957, ƀuôn sang ti să Nghĩa Trụ, kdriêk Văn Giang, čar Hưng Yên; jing nai prŏng bruă kreh knhâo răng mgang klei êđăp ênang.

Jing nai prĭn bruă klei bhiăn. Jing khua hlăm êpul gĭt gai bruă Đảng gưl dlông gưl XI, XII, XIII; Khua hlăm phŭn bruă kđi čar gưl XII, XIII lehanăn jing pô bi ala bruă kƀĭn ala gưl XIV, XV. Mơ̆ng thŭn 1988-1993, Tô Lâm ngă k’iăng khua adŭ bruă, lehanăn khua adŭ bruă Răng mgang bruă kđi čar mrô I, mơ̆ng Phŭn bruă kahan ksiêm. Hlăm 13 êdei kơ anăn, ñu păn ngă k’iăng khua anôk bruă răng mgang bruă kđi čar mrô I lehanăn mrô III, Hlăm phŭn bruă kđi čar mơ̆ng thŭn 2006-2009, Tô Lâm ngă k’iăng khua knơ̆ng kiă kriê bruă răng mgang klei êđăop ênang, hlăm phŭn bruă kahan ksiêm. Hlăm 2 thŭn êdei kơ anăn, ñu klă ngă Khua knơ̆ng kiă kriê Anôk bruă răng mgang klei êđăp ênang mrô I, hlăm phŭn bruă kahan ksiêm. Tô Lâm păn ngă k’iăng khua kiă kriê phŭn bruă kahan ksiêm mơ̆ng mlan 8/2010 truh kơ mlan 4/2016. Leh kơ anăn, ñu păn ngă khua phŭn bruă kahan ksiêm hlŏng truh kơ ară anei./.