Khua gĭt gai Đảng mñă, hŏng bruă klam Ƀuôn prŏng phŭn êbâo thŭn kreh dhar, Hà Nội brei tĭng dlăng kluôm hdră mđĭ kyar, krŭ wĭt klei găl mâo, ba mdah hdră êlan mrâo, ba ƀuôn prŏng phŭn kpưn đĭ păn kjăp bruă klam kriê dlăng ala čar.

Hlăm hdră mkŏ dăp anôk bruă, brei rơ̆ng klei hgŭm mguôp, mđĭ lar bruă đua klam ba akŏ mơ̆ng phung knuă druh. Khua gĭt gai Đảng mñă hdră knuă druh jing bruă phŭn, brei hluê ngă djŏ hdră bhiăn. Mbĭt anăn, brei Hà Nội mprăp jăk kơ Klei bi kƀĭn bruă Đảng dŭm gưl, bi leh hnơ̆ng čuăn thŭn 2025; rơ̆ng kjăp dhar kreh mnuih Tràng An, mkra mđĭ krĭng ƀuôn prŏng, wăl hdĭp mda, năng jing ƀuôn prŏng êdah êdi mơ̆ng kluôm ala čar.