Blŭ ti knăm mphŭn pŏk, Khua gĭt gai Đảng Tô Lâm bi mni kơ Klei čih mkra hră hưn mdah mơ̆ng Êpul bruă anei djăp ênŭm lehanăn mâo lu mta mrâo mbĭt anăn mñă: Mơ̆ng hdră ksiêm dlăng tal êlâo brei ƀuh, Êpul bruă mprăp leh ênŭm, mâo lu mta mrâo mkă hŏng klei hưn mthâo êlâo, khă snăn mkă hŏng kơhưm mơ̆ng Klei bi kƀĭn tal 14, klei čih mkra hưn mdah bruă kđi čar, bruă duh mkra – ala ƀuôn brei lŏ mkra mđĭ lu hĭn.

Phŭn bruă kđi čar, Anôk dlăng bruă Đảng bi mklă leh ênuk gưl mrâo, ênuk gưl đĭ kyar kjăp ktang mơ̆ng ala čar tĭng mơ̆ng Klei bi kƀĭn tal 14 mơ̆ng Đảng. Anei ăt jing hdră mjĕ mrâo hlăm bruă čih mkra dŭm mta hră mơar mâo Gưl dlông 10, phung khua hlăm Phŭn bruă kđi čar, Anôk dlăng bruă Đảng lehanăn phung khua Đảng, Knŭk kna bi tŭ ư. Khua gĭt gai Đảng mtă, čiăng hluê ngă dŭm mta kñăm anei brei mâo klei gĭr lu hĭn ba yua jih klei găl mâo, sa ai lehanăn mâo hdră msir klă klơ̆ng čiăng bi leh jih mta kñăm ka dưi hluê ngă./.