Hlăm klei bi kƀĭn, dŭm klei blŭ mtă kơ hdră bi lông ktưn kƀĭn hlue ngă tŭ dưi bruă klam mđĭ kyar bruă duh mkra- ala ƀuôn grăp thŭn leh anăn Hdră kčah 5 thŭn (2026 - 2030) hlue si Hdră mtrŭn Klei bi kƀĭn phung bi ala kluôm ala tal XIV mơ̆ng Đảng, hdră mơ̆ng Bruă kƀĭn ala, Knŭk kna; Bi lông bi leh hnơ̆ng dŭm hdră bruă mđĭ kyar anôk bruă nah gŭ, bruă duh mkra krĭng, bruă duh mkra êa ksĭ…

Hlue anăn, dŭm hnơ̆ng čuăn bi lông ktưn truh thŭn 2030 mâo: Hnơ̆ng đĭ kyar mnơ̆ng dhơ̆ng hlăm ala čar kah knar kơ wưng 2026 - 2030 mơ̆ng 10%/thŭn kơ dlông; GDP kah knar grăp čô mnuih truh thŭn 2030 mâo hlăm brô 8.500 USD. Klah čŭn klei bi kƀĭn, Khua knŭk kna Lê Minh Hưng tŭ ư hŏng klei blŭ leh anăn lač bruă pŏk ngă hdră bi lông brei mguôp hŏng klei mĭn gĭt gai, ai tiê, klei kñăm Hdră mtrŭn Klei bi kƀĭn Đảng kluôm ala tal XIV kčah leh, anăn jing klei kñăm đĭ kyar dua ênoh mrô, ƀiădah brei hơĭt kjăp leh anăn mguôp klei mđĭ klei hdĭp mda yang ƀuôn; bruă pah mni brei djŏ leh anăn hmao. Khua knŭk kna mtă kơ jih jang dŭm dhar bruă, dŭm gưl brei gĭr, bi leh jăk bruă klam; brei mă klei tŭ dưn jing hnơ̆ng mkă.