Nao lehanăn blŭ hrăm hlăm knăm bi hdơr, k'iăng khua knŭk kna  Nguyễn Chí Dũng mñă, hrue 16/4/1975 jing leh klei kruak knăl yuôm bhăn hlăm hƀuê ênuk krŭ kdơ̆ng mơ̆ng bruă Đảng, lĭng kahan, lehanăn mnuih ƀuôn sang Ninh Thuận – lăn jhŏng ktang, mâo mđup brei anăn knăl “Lĭng kahan yang ƀuôn jhŏng ktang” leh mâo klei êngiê, găn hlăm lu klei dleh dlan, lehanăn yan adiê amâo mâo jăk, Ninh Thuận ƀrư̆ ƀrư̆ ăt kpưn đĭ mơh.

Mơ̆ng sa boh čar ƀun, ară anei, Ninh Thuận mâo hnơ̆ng hrui wĭt kah knar truh 8,74%, dôk hlăm êpul kdlưn hĭn mơ̆ng kluôm ala. K'iăng khua knŭk kna mtă, čar lŏ dơ̆ng dưn yua jih klei găl pô, mă bruă hŏng klei mlih mrâo, mjing krĭng lăn mđiă msĕ arăng ghang, angĭn thut msĕ hŏng arăng hdai, dưi jing leh krĭng lăn čăt đĭ, mă bruă tŭ jing bi khuăt êpul kiă kriê, mkŏ mjing hlăm dua gưl, anăp truh kơ klei bi kƀĭn prŏng  Đảng kluôm ala tal 14./.