K’iăng Khua lăn čar Võ Thị Ánh Xuân mñă klă Việt Nam dlăng yuôm bhăn klei đĭ kyar lu mta bruă hŏng Sweden, găl guôp hŏng klei găl, ai ktang leh anăn klei čiăng mơ̆ng grăp lăn čar. Dua tĭng tŭ ư lač dua ala čar čiăng ba yua jăk hĭn klei găl mâo mơ̆ng dua tĭng, mtrŭt mđĭ klei bi mguôp tŭ dưn, klă klơ̆ng, hrăm mbĭt mâo boh tŭ, mñă ktang klei yuôm bhăn mơ̆ng klei bi mguôp dua anôk Bruă Kƀĭn Ala hlăm klei mjĕ giăm dua tĭng, tŭ ư mđĭ hĭn klei bi trông êpul khua hlăm Bruă Kƀĭn Ala leh anăn dŭm dhar bruă mơ̆ng Bruă Kƀĭn Ala dua tĭng.

Bi trông kơ dŭm boh klei hlăm alŭ wăl leh anăn tar rŏng lăn dôk bi mđing, dua tĭng tŭ ư srăng bi mguôp leh anăn sa ai hdơ̆ng pô hlăm dŭm klei kƀĭn lu tĭng kñăm mgaih msir dŭm klei bi blah, klei kuan mmiă hŏng hdră êlan êđăp ênang hluê si klei mpŭ kơ Hdră bhiăn Êpul hgŭm lu ala čar leh anăn hdră bhiăn tar rŏng lăn, mtrŭt mđĭ klei mnia mblei êngiê, đĭ kyar hơĭt kjăp leh anăn mdrŏng sah tar rŏng lăn.