Klei đăo yơng Việt Nam mgrông xá lợi Phật bi hdơr hrue Phật đản
Thứ tư, 10:40, 22/05/2024 VOV TAYNGUYEN VOV TAYNGUYEN
VOV4.Êđê - Kkuh mơak knăm Phật đản mlan pŭr mlan 4 thŭn Giáp Thìn, jing hrue anei hrue 22/5/2024, mâo leh lu sang yang yơng hlăm kluôm ala mkŏ mjing kdrăm k’ah knăm Phật đản.

Mlam mmăt mbrue 21/5, ti sang yang Quán sứ, Hà Nội, Êpul khua kiă kriê klei đăo yơng Việt Nam ngă knăm mgrông xá lợi Phật lehanăn êdeh mnga kñăm kkuh mơak hrue knăm Phật đản - Phật lịch 2568- thŭn 2024 hmăng hmưi kơ lăn čar hnŭk ênang, ƀuôn sang êđăp ênang. Klei mgrông xá lợi Phật lehanăn êdh mnga Phật đản mkŏ mjing mơ̆ng 7h tlam truh 9 h mlam, mâo lu phung yơng, phung khua kiă kriê klei đăo yơng, mbĭt hŏng lu mnuih ƀuôn sang nao bi mguôp.

Êpul êdeh mnfga mbĭt hŏng rup yang yơng, mơ̆ng êpul bruă gĭt klei klei đao yơng gưl dlông Việt Nam mkŏ mjing ti mrô 73 Quán Sứ, găn nao leh hlăm dŭm kdrêč êlan Lý Thường Kiệt, Bà Triệu, Trần Hưng Đạo lehanăn lŏ wĭt kơ sang mrô 73 Quán Sứ, Hà Nội. Hŏng grăp čô phung yơng, phung đăo yơng anei jing sa klei mơak, lŏ bi hdơrr kơ Yang yơng, pioh mtô bi hriăm klei thâo khăp, ba hriê klei khăp, lehanăn klei êđăp ênang./.

VOV TAYNGUYEN

Viết bình luận

TIN CÙNG CHUYÊN MỤC