Leh kơnăn, gưl dlông mă bruă ti êpul, bi trông kơ hdră mprăp kơ Klei bi kƀĭn tal XIV lehanăn ruah Anôk bruă bi ala gưl XVI, ruah Êpul gơ̆ng bruă ƀuôn sang dŭm gưl wưng thŭn 2026 - 2031.

Phŭn bruă kđi čar brei klei blŭ kơ bruă tŭ mă, hlak mblang klei blŭ mơ̆ng Gưl dlông čiăng bi trông hlăm hruê 10/4 lehanăn aguah hruê 11/4, dŭm hdră hlăm bruă lŏ mkŏ dăp anôk bruă bruă kđi čar, anôk bruă ngă hră mơar lehanăn mkŏ mjing bruă knŭk kna alŭ wăl 2 gưl. Klă klơ̆ng, jing bruă mkŏ wĭt anôk bruă ngă hră mơar gưl čar, hdră lŏ mkŏ dăp anôk bruă ngă hră mơar gưl să; bruă klam, klei dưi mơ̆ng anôk bruă knŭk kna gưl čar lehanăn gưl să, hdră mkŏ mjing đảng, êpul bruă, sang phat kđi yang ƀuôn, knơ̆ng ksiêm dlăng yang ƀuôn, hdră mkŏ dăp phung knuă druh lehanăn hdră mtrŭn jăk găl hŏng phung knuă druh; bruă kriê dlăng, ba yua ngăn drăp knŭk kna lŏ hdră mkŏ dăp./.