Khua Knơ̆ng bruă kiă kriê klei mnuih ƀuôn sang čang hmăng leh anăn ktuê dlăng Dương Thanh Bình gĭt gai klei bi kƀĭn. Čiăng hlue ngă djăp ênŭm hdră êlan mrâo mơ̆ng Đảng kơ klei mkŏ dăp, bi khuăt êpul mă bruă kđi čar, hlue ngă gru hmô dua gưl, hră čih Hdră bhiăn mkra mlih mbŏ dŭm mta hlăm hdră bhiăn ruah khua bi ala Bruă kƀĭn ala leh anăn phung bi ala Êpul gơ̆ng bruă ƀuôn sang dưi ksiêm dlăng, mkra mlih, mbŏ dŭm boh phn djŏ tuôm ti 48 hlăm ênoh 98 mta mơ̆ng Hdră bhiăn ară anei.

Mđing mkra mlih sa anôk klei kčah mtrŭn djŏ tuôm kơ bruă mkŏ mjing bruă sang čư̆ êa alŭ wăl dua gưl, mkra mlih bi hrŏ wưng hlue ngă hdră, hră mơar ruah khua, mbĭt anăn bi mguôp mkra mlih, mbŏ klei djŏ tuôm kơ bruă ruah phung bi ala bruă kƀĭn ala leh anăn phung bi ala êpul gơ̆ng bruă ƀuôn sang.