Mphŭn mơ̆ng thŭn 2006 ti Knơ̆ng bruă 74 hŏng 30 hlâo gŏ êsei, truh ară anei gru hmô lar leh kluôm Binh đoàn 15 hŏng giăm 4.300 hlâo gŏ êsei ti dŭm êtuh ƀuôn ktuê knông lăn Dưr Lăn Dap Kngư. 20 thŭn êgao pŏk ngă, gru hmô đru hdră êlan mơ̆ng Đảng lar hlăm yang ƀuôn mơ̆ng bruă klă sĭt msĕ si “ư̆ êpa bi đru”, “knap mñai bi mguôp”, mkŏ mjing klei kjăp msưh kdŭn klei mĭn čiăng bi rai êpul bi hgŭm djuê ana.

Mơ̆ng anăn, mđĭ klei dưi răng mgang ala čar leh anăn êđăp ênang hlăm yang ƀuôn ti knông lăn. Hŏng gru hmô anei, lu gŏ êsei mâo leh prăk hrui wĭt mơ̆ng 200–300 êklăk prăk/thŭn, bi hrŏ klei bi kplah mdrŏng- ƀun, lăm lui klei kthŭm mluk, bi hrŏ klei kbiă sang hră, găn knông lăn soh hdră bhiăn. Phung bi ala mguôp leh klei blŭ, klei thâo kơ klei gĭt gai mơ̆ng gưl dlông, bi hgŭm kjăp hŏng bruă sang čư̆ êa, mđĭ lar bruă klam khua mduôn, khua ƀuôn, phung mâo kơhưm, klei mbruă pŏk ngă gru hmô “Bi mguôp gŏ êsei” đru mkŏ mjing krĭng knông lăn hơĭt kjăp, mđĭ kyar kluôm./.