Trần Đức Lương, kkiêng hruê 5/5/1937; ƀuôn sang: să Phổ Khánh, kdriêk Đức Phổ (ară anei wăl krah Đức Phổ), čar Quảng Ngãi. Dôk ti sang mrô 298, krĭng Vạn Phúc, ƀuôn hgŭm Liễu Giai, alŭ Ba Đình, ƀuôn prŏng Hà Nội. Nao hlăm hdră cách mạng mlan 2/1955; mŭt Đảng Cộng sản Việt Nam hruê 19/12/1959.

Hdră mă bruă:

Mlan 2/1955 truh mlan 9/1955: Ñu nao ti kwar Dưr, hriăm kơ hdră kdrăp ksiêm dlăng lăn êa mơ̆ng Phŭn bruă Tuh tia mnia mblei.

Mlan 10/1955 truh mlan 8/1959: Ñu mă bruă ksiêm dlăng hdră kdrăp ti dŭm Êpul bruă čiăng tui ksiêm kơ lăn êa; lŏ hriăm mbŏ kơ hdră kdrăp ksiêm dlăng lăn êa 8 mlan dơ̆ng.

Mlan 9/1959 truh mlan 3/1964: Ñu ngă khua Êpul ksiêm dlăng lăn êa mrô 4, Êpul hgŭm bruă ksiêm dlăng lăn êa mrô 20, Khua bruă Đoàn Êpul ksiêm dlăng lăn êa mrô 4, Khua hlăm Anôk kriê dlăng bruă Đoàn êdam êra mnuih mă bruă; Knơ̆ng ksiêm dlăng kơ bruă lăn êa.

Mlan 4/1964 truh mlan 8/1966: Ñu ngă Kơiăng khua ksiêm dlăng kơ hdră kdrăp lăn êa mrô 20, Khua bruă Đảng anôk bruă.

Mlan 9/1966 truh mlan 1/1970: Ñu jing sinh viên, ngă Khua adŭ ksiêm hriăm kơ bruă tui duah ksiêm (K11) Sang hră gưl prŏng bruă Êa pui êwa čuh lehanăn lăn êa, Đảng viên hlăm sang Hră, Khua bruă Đoàn sang hră (thŭn 1969)

Mlan 2/1970 truh mlan 8/1975: Ñu ngă kơiăng khua Knơ̆ng bruă ksiêm dlăng Hră kak lăn lăn êa, Đảng viên, Khua hlăm Anôk bruă Đảng Knơ̆ng bruă ksiêm dlăng Hră kak lăn lăn êa.

Mlan 9/1975 truh mlan 9/1977: Ñu hriăm Sang hră Nguyễn Ái Quốc Gưl dlông, ngă Khua bruă Đảng adŭ.

Mlan 8/1977 truh mlan 7/1979: Ñu ngă Kơiăng khua kiă kriê Êpul hgŭm, jing khua jing jai Êpul hgŭm bruă ksiêm dlăng Hră kak lăn lăn êa, Knơ̆ng bruă ksiêm dlăng lăn êa, Khua bruă Đảng êpul hgŭm, Khua hlăm anôk bruă Công đoàn knơ̆ng bruă ksiêm dlăng lăn êa, Khua hlăm Anôk kriê dlăng knơ̆ng bruă Công đoàn Việt Nam.

Mlan 8/1979 truh mlan 1/1987:  Ñu ngă Khua knơ̆ng bruă ksiêm dlăng lăn êa, khua anôk bruă knuă druh Đảng knơ̆ng bruă, hriăm adŭ kriê dlăng hdră duh mkra 4 mlan ti Sang hră ksiêm hriăm bruă duh mkra ala čar Liên Xô (thŭn 1981). Pô bi ala Anôk bruă kƀĭn ala gưl VII, Kơiăng khua kiă kriê, Khua kiă kriê Dhar bruă Kreh knhâo lehanăn kdrăp mrâo mơ̆ng Anôk bruă kƀĭn ala; Kơiăng khua kiă kriê Dhar bruă gưl dlông Êpul hgŭm Việt - Xô.

Ti Klei bi kƀĭn kluôm ala tal V mơ̆ng Đảng (mlan 3/1982), Ñu dưi ruah ngă Khua mkăp hlăm Anôk kriê dlăng bruă Đảng gưl dlông. Ti Klei bi kƀĭn phung bi ala kluôm ala čar tal VI mơ̆ng Đảng (mlan 12/1986), Ñu dưi ruah ngă Khua hlăm Anôk kriê dlăng bruă Đảng gưl dlông.

Mlan 2/1987 truh mlan 8/1992: Ñu ngă Kơiăng khua kiă kriê Êpul hgŭm phung khua phŭn bruă, bi ala Anôk bruă kƀĭn ala gưl VIII; pô bi ala mơ̆ng Ala čar yang ƀuôn ngă phŭn Việt Nam ti Êpul hgŭm bi đru hdră Duh mkra (SEV). Ti Klei bi kƀĭn phung bi ala kluôm ala čar tal VII mơ̆ng Đảng (mlan 6/1991), Ñu ăt dưi ruah ngă Khua hlăm Anôk kriê dlăng bruă Đảng gưl dlông.

Mlan 9/1992 truh mlan 8/1997: Ñu ngă Kơiăng khua knŭk kna ala čar Việt Nam. Ti Klei bi kƀĭn phung bi ala kluôm ala čar tal VIII mơ̆ng Đảng, Ñu păn ngă Khua hlăm Anôk kriê dlăng bruă Đảng gưl dlông, mâo Anôk kriê dlăng bruă Đảng gưl dlông ruah mŭt hlăm Phŭn bruă kđi čar (mlan 6/1996).

Mlan 9/1997 truh mlan 6/2006: Ñu ngă Khua lăn čar Việt Nam yang ƀuôn ngă phŭn, Khua Êpul hgŭm bruă lĭng kahan lehanăn răng mgang klei êđăp ênang  (mlan 9/1997); Khua hlăm Phŭn bruă kđi čar (mlan 1/1998). Ti Klei bi kƀĭn phung bi ala kluôm ala čar tal IX mơ̆ng Đảng, Ñu ăt păn ngă Khua hlăm Anôk kriê dlăng bruă Đảng gưl dlông, mâo Anôk kriê dlăng bruă Đảng gưl dlông ruah mŭt hlăm Phŭn bruă kđi čar (mlan 4/2001). 

Ñu jing Khua hlăm Anôk kriê dlăng bruă Đảng gưl dlông tal V, VI, VII, VIII, IX; Khua hlăm Phŭn bruă kđi čar tal VIII; Kơiăng khua kiă kriê Êpul hgŭm phung khua phŭn bruă mơ̆ng mlan 2/1987 truh mlan 8/1992; Kơiăng khua Knŭk kna mơ̆ng mlan 9/1992 truh mlan 6/1997; mơ̆ng mlan 9/1997 truh mlan 6/2006 ñu ngă Khua lăn čar Việt Nam yang ƀuôn ngă phŭn, Khua kiă kriê Êpul hgŭm bruă lĭng kahan lehanăn răng mgang klei êđăp ênang gưl X, XI; pô bi ala Anôk bruă kƀĭn ala dŭm gưl VII, VIII, X, XI.

Ñu mâo Đảng, Knŭk kna tŭ ư brei mdei bruă hluê djŏ hdră mtrŭn mơ̆ng hruê 1/1/2008.

Ñu mâo lu klei đru mguôp prŏng prĭn, êdah kdlưn hlăm hdră cách mạng mơ̆ng Đảng lehanăn djuê ana, Ñu mâo Đảng, Knŭk kna jao Medai mtŭ kñĭ, Anăn knăl 65 thŭn Đảng lehanăn lu medai, klei pah mni yuôm bhăn mkăn mơ̆ng ala čar Việt Nam lehanăn tar rŏng lăn./.