Êpul khua kiă kriê gưl dlông bruă Đảng Cộng sản Việt Nam, Bruă kƀĭn ala ala čar yang ƀuôn ngă phŭn Việt Nam, Khua lăn čar yang ƀuôn ngă phŭn Việt Nam, Knŭk kna ala čar yang ƀuôn ngă phŭn Việt Nam, Dhar bruă Mặt trận čar kwar gưl dlông Việt Nam lehanăn găp djuê bŏ hŏng klei ênguôt hưn mthâo: Kơ Trần Đức Lương, Khua hlăm phŭn bruă kđi čar êlâo dih, Khua lăn čar yang ƀuôn ngă phŭn Việt Nam êlâo dih, Khua êpul gơ̆ng bruă lĭng kahan, lehanăn răng mgang klei êđăp ênang êlâo dih, kkiêng hrue 5/5/1937; ƀuôn sang ti: să Phổ Khánh, kdriêk Đức Phổ (ară anei jing wăl krah Đức Phổ), čar Quảng Ngãi; dôk hdĭp ti sang mrô 298, êlan Vạn Phúc, ƀuôn hgŭm Liễu Giai, kdriêk čar Ba Đình, ƀuôn prŏng Hà Nội.

Ñu nao ngă cách mạng mơ̆ng mlan 2/1955; mŭt Đảng Cộng sản Việt Nam hrue 19/12/1959; Jing khua hlăm êpul gĭt gai bruă Đảng gưl dlông dŭm gưl V, VI, VII, VIII, IX; Jing khua hlăm phŭn bruă kđi čar gưl VIII, IX; Jing khua hlăm êpul gĭt gai phŭn bruă kđi čar gưl VIII; K’iăng khua êpul gơ̆ng phung khua phŭn bruă mơ̆ng mlan  2/1987 truh mlan 9/1992; K’iăng khua knŭk kna 10/1992 - 8/1997; Khua lăn čar yang ƀuôn ngă phŭn Việt Nam, Khua êpul gơ̆ng bruă lĭng kahan lehanăn răng mgang klei êđăp ênang  gưl X, gưl XI; pô bi ala bruă kƀĭn ala gưl VII, VIII, X, XI.

Leh sa wưng dôk hlăm klei ruă kjham, khădah mâo leh Đảng, Knŭk kna, jih jang phung nai prŏng, nai prĭn, phung aê mdrao jih ai tiê mdrao mgŭn, găp djuê dlăng kriê, ƀiădah kyua thŭn leh khua, klei ruă kjham, Ñu tloh ai hlăk 10h 51’ mlam, hrue 20/5/2025 (jing hrue 23/4 thŭn Ất Tỵ hlue mlan ƀlĕ), ti sang ñu pô, hdĭp jŏk 88 thŭn.

Hlăm êbeh 50 thŭn dôk ngă cách mạng, ñu mâo leh lu klei đru mguôp prŏng prĭn hŏng bruă cách mạng mdrăm k’ah mơ̆ng Đảng lehanăn djuê ana. Ñu mâo leh Đảng, Knŭk kna mđup brei Mêđai mtŭ kñĭ, Mêđai 65 thŭn Đảng lehanăn mâo lu mêđai, anăn knăl mkăn, hŏng lu klei bi mni yuôm bhăn. Ñu đuĕ nao jing leh sa klei luič liê prŏng hŏng Đảng, Knŭk kna, Mnuih ƀuôn sang drei, lehanăn hŏng găp djuê ñu.

Čiăng bi êdah klei ênguôt hnĭng ŭ kyăm kơ Trần Đức Lương, Êpul khua gĭt gai  gưl dlông Đảng Cộng sản Việt Nam, Bruă kƀĭn ala ala čar yang ƀuôn ngă phŭn Việt Nam, Khua lăn čar yang ƀuôn ngă phŭn Việt Nam, knŭk kna ala čar yang ƀuôn ngă phŭn Việt Nam, dhar bruă Mặt trận gưl dlông Việt Nam bi mklă bruă mkŏ mjing klei čang ênuh gưl ala čar.