Blŭ hrăm hlăm klei kƀĭn, Khua knŭk kna mñă ktang: mta kñăm proĭng jing truh kơ wưng bi hdơr 100 thŭn mkŏ mjing Đảng leh anăn lăn čar, Việt Nam srăng đĭ kyar pral, mtah, hơĭt kjăp leh anăn mâo klei đĭ kyar 2 ênoh mrô. Čiăng mâo klei anăn, čiăng mâo lu ai dưi, hlăm anăn anôk bruă ngăn prăk tar rŏng lăn srăng mâo bruă klam yuôm bhăn, bi mbŏ ngăn prăk kơ klei đĭ kyar. Khua knŭk kna mñă, čiăng kơ anôk bruă tŭ jing, čiăng mkŏ mjing hdră bhiăn mrâo mrang, klă m ngač, mkŏ mjing klei găl kơ phung duh bi liê.

Mbĭt anăn srăng bi kluôm bruă mkŏ mkra mrâo mrang, djăp ênŭm klei čiăng đĭ kyar leh anăn găl guôp hŏng hdră tă tar rŏng lăn leh anăn Việt Nam. Bi kơ mnuih mă bruă, Khua knŭk kna mñă ktang čiăng kơ êpul mă bruă thơ̆ng kơ bruă, hnơ̆ng tŭ jăk. Boh nik, mkŏ mjing wăl mnia mblei kdlưn hĭn, găl hŏng phung duh bi liê, anăp truh kơ klei êngiê mâo hdră klă klơ̆ng.