Gưl hriê čhưn đru bi kjăp klei đăo knang bruă kđi čar, mbĭt anăn mtrŭt mđĭ klei bi mguôp plah wah Việt Nam leh anăn Sri Lanka hlăm djăp mta bruă msĕ si Bruă kđi čar, bruă hŏng tač êngao, bruă lĭng kahan, răng mgang klei êđăp ênang, bruă duh mkra mnia mblei, duh bi liê, mjĕ mjuk mnuih ƀuôn sang… nao klă klơ̆ng, tŭ dưn hĭn.

Bruă Khua mil čhil Srilanka hriê ti Việt Nam nao hgŭm hlăm knăm Phật đản Êpul hgŭm lu ala čar Vesak jing klei bi klă kơ klei bi hgŭm hlăm dhar kreh leh anăn klei đăo yơng plah wah dua ala čar. Leh knăm tŭ drông, Khua lăn čar Lương Cường leh anăn Khua mil čhil Srilanka ba anăp êpul bi ala gưl dlông dua ala čar ngă klei blŭ hrăm, bi klă boh tŭ klei bi mguôp plah wah dua ala čar hlăm wưng êgao leh anăn bi êdah dŭm hdră êlan bi mguôp hlăm wưng kơ anăp.