K’iăng Khua Knŭk kna mơĭt klei êmuh hrăm mơ̆ng Khua gĭt gai gưl dlông Việt Nam hŏng Khua knŭk kna Japon, bi mklă Việt nam dlăng Japon jing ƀĭng hgŭm kluôm đăo knang hlăm ênuk đĭ kyar mrâo. Dua tĭng bi tŭ ư mđĭ klei bi hgŭm hlăm dŭm bruă phŭn msĕ si mnia blei, bi liê, kreh knhâo kdrăp mrâo, mđĭ kyar mnuih mă bruă.

Khua knŭk kna Ishiba Shigeru bi mni kơ klei đru mguôp mơ̆ng Việt Nam ti Japon, dlăng anei jing bruă yuôm bhăn amâo dưi bi mlih ôh, mbĭt anăn bi êdah klei čang hmăng lŏ dơ̆ng jum lu hĭn mnuih mă bruă mơ̆ng Việt Nam. Dua tĭng ƀuăn rơ̆ng bi hgŭm pŏk ngă tŭ dưn klei kuôl kă gưl dlông leh anăn pŏk mlar klei bi hgŭm hlăm dŭm bruă mlih mrâo mbruă, mtô mnuih mă bruă.