Hlăm klei bi kƀĭn, phung hlăm Knơ̆ng bruă bi tŭ ư hŏng dŭm boh phŭn kyua Knơ̆ng bruă mkra mlih hră čih Hdră bhiăn phŭn mprăp leh anăn lač boh phŭn hră mơar rơ̆ng klei kčah mtrŭn. Mñă klă klei yuôm bhăn hƀuê ênuk mơ̆ng bruă mkra mlih Hdră bhiăn phŭn, Khua Bruă kƀĭn ala mtă brei mjêč pŏk ngă Hdră kčah mă klei blŭ mnuih ƀuôn sang, dŭm dhar bruă, dŭm gưl leh anăn ktrâo kơ bruă mă klei blŭ mguôp, klei blŭ mnuih ƀuôn sang, dŭm gưl kơ hră čih Hdră mtrŭn mkra mlih, mbŏ dŭm mta mơ̆ng Hdră bhiăn phŭn 2013.

Khua Bruă kƀĭn ala mtă mơ̆ng hruê 6/5 srăng mkŏ mjing klei hưn mdah mă klei blŭ mguôp mnuih ƀuôn sang kơ jih jang hră mơar Hdră mtrŭn mkra mlih, mbŏ dŭm mta klei mơ̆ng Hdră bhiăn phŭn 2013 leh anăn hră mơar mbĭt hlăm Mbah hâo hưn mơ̆ng Knŭk kna, mbah hâo hưn Bruă kƀĭn ana, dŭm anôk bruă klei mrâo: Sang mđung rup Việt Nam (VTV), Sang mđung asăp blŭ Việt Nam (VOV), Thông tấn xã Việt Nam leh anăn Mbah hâo hưn điện tử mơ̆ng Knơ̆ng bruă mnuih ƀuôn sang dŭm čar, ƀuôn prŏng hlăm gưl dlông.