Khua gĭt gai Đảng Tô Lâm kčưm gưl hiu čhưn kơ Kazakhstan
Thứ ba, 10:27, 06/05/2025
Pô mblang Y-Khem Niê/VOV Tây Nguyên
Pô mblang Y-Khem Niê/VOV Tây Nguyên
VOV4.Êđê- Tlam mbrue 5-5 (tui si mmông alŭ wăl), Khua gĭt gai Đảng Tô Lâm lehanăn mô̆ ñu, mbĭt hŏng êpul khua kiă kriê gưl dlông truh leh kơ ala čar Kazakhstan, kčưm djăp bruă mă ti gưl knŭk kna tui si asăp jak iêo mơ̆ng khua mil čhil Kassym-Jormat Tokayev.
Mâo mkŏ mjing ƀri bi hdơr 33 thŭn hrue mkŏ mjing klei mjĕ mgiăm, klei hiu čhưn anei jing klei kruak knăl mrâo hlăm klei bi mguôp dua nah. Dua ala čar mâo leh lu boh tŭ dưn yuôm bhăn, êdah êdi hlăm klei bi mnia mblei mâo ênoh hlăm thŭn 2024 giăm 1 êklai USD – jing ênoh kdlưn hĭn mơ̆ng êlâo dih truh kơ ară anei. Jih jang bruă duh bi liê lu hĭn mơh mơ̆ng dua nah.
Ară anei dua ala čar dôk bi hgŭm duh bi liê bruă kơ kdrăp lĭng kahan. Hŏng klei găl hiu čhưn anei, khua gĭt gai Đảng Tô Lâm čang hmăng srăng mjing djăp klei găl pŏk phai hĭn bruă bi hgŭm djăp mta hlăm dŭm bruă dua ala čar dưi bi đru mbĭt./.
Viết bình luận