Khua knŭk kna Phạm Minh Chính mñă klei hriê čhưn anei êjai dua ala čar dôk bi hdơr 75 thŭn hrue mkŏ mjing klei mjĕ mgiăm  (1950-2025) lehanăn Việt Nam ƀi hdơr 80 thŭn hrue mkŏ mjing lăn čar. Khua knŭk kna Việt Nam amâo mâo wơr ôh klei đru leh yuôm bhăn mơ̆ng Hungary hŏng Việt Nam thlăm klei bi blah sua wĭt klei êngiê, mhluh lir lăn čar êlâo dih lehanăn rŭ mdơ̆ng mđĭ kyar lăn čar ară anei.

Dua nah bi tŭ ư lŏ dơ̆ng bi sĭt klei leh kuôl kă dua ala čar, bi hgŭm prŏng hĭn hlăm bruă duh mkra mnia mblei, bruă kreh knhâo, bruă sang hră mơar, bruă lĭng kahan, bruă êa drao gŭn, bruă dhar kreh hiu čhưn ênguê lehanăn klei bi mguôp mnuih ƀuôn sang, mbĭt anăn pŏk mlar hlăm dŭm mta bruă dua nah mâo klei găl, kơ klei bi mloih mrô, klei thâo mĭn anak mnuih, bruă lŏ hma, lehanăn mnuih mă bruă./.