Khua knŭk kna mñă “Alŭ wăl bi klă, alŭ wăl mă bruă, alŭ wăl čŏng đua klam” jing nao mđrĭng hŏng klei tiŏ nao mnuih mă bruă, mđĭ klei thâo mă bruă, mâo klei kăp ksiêm kjăp, bi kdơ̆ng hŏng klei ƀơ̆ng ngăn. Khua knŭk kna mtă Phŭn bruă hlue ngă hdră bhiăn, lehanăn Phŭn bruă kiă kriê bruă knuă bi sa hnơ̆ng hdră êlan kơ dŭm hdră mtrŭn mbha gưl, mơ̆ng knŭk kna hlŏng kơ dŭm phŭn dhar bruă, alŭ wăl, hlăm anăn mâo truh  28 hdră mtrŭn mâo mkra leh lehanăn truh hrue anei, jih jang 28 hdră mtrŭn anăn mâo bi mklă, lehanăn dưi pŏk ba yua hlăm klei hâo mdah kơ phŭn bruă kđi čar.

Khua knŭk kna lač, mơ̆ng ară anei hlŏng truh kơ hrue 10/6, dŭm phŭn dhar bruă bi ksiêm wĭt, dlăng kơ ya mta klei adôk ka djŏ, huĭdah mđĭ mđăl… Phung k’iăng khua knŭk kna mâo jao bruă ksiêm wĭt, bi leh, lehanăn ngă êmưt êdi ti hrue 15/6 brei mtrŭn yơh bi ênŭm hdră mtrŭn anăn. Leh kơ anăn, srăng mkŏ mjing klei bi kƀĭn bi lar truh kơ alŭ wăl, bi leh bruă êlâo kơ hrue 18/6.