Thŭn 2023, klei čar Daklak čhĭ mnia boh mnga lŏ hma kơ Ơrôp mâo giăm 1,5 klei USD; thŭn 2024 đĭ êbeh 1,88 êklai USD. Tui si phung thơ̆ng kơ bruă anei, EVFTA pŏk leh dŭm klei găl prŏng kơ kphê, tiu, boh kroh, êa hnuê… mâo čhĭ kơ krĭng wăl anei.

Ti anôk trông čhai mâo leh lu klei blŭ lač kơ bruă bi mnia mblei, čiăng bi mâo hdră êlan mkŏ mjing kjăp djŏ tui si klei Ơrôp čiăng, amâo mâo djŏ knŏng hlăm bruă duh mkra pla mjing, ƀiădah lŏ djŏ tuôm hŏng bruă răng mgang wăl hdĭp mda, klei đua klam hŏng yang ƀuôn. Čar Daklak bi mklă leh EVFTA jing leh boh kdrŭt prŏng pioh lŏ mkŏ wĭt bruă lô̆ hma pla mjing hlue hdră êlan ênuk mrâo, klă mngač, lehanăn mkŏ mjing anôk bruă kăp kčĕ đru hdră êlan mă bruă mơ̆ng EVFTA kñăm čiăng mđrăm mbĭt hŏng phung duh mkra lehanăn alŭ wăl mă bruă./.