Anei jing klei bi kƀĭn tal 2 hlăm mlan 4 čiăng bi trông, brei klei blŭ hlăm dŭm hră čih Hdră bhiăn mĭn tĭng srăng hưn mdah hŏng Bruă kƀĭn ala ksiêm dlăng brei klei blŭ mguôp hlăm Klei bi kƀĭn tal 9 kơ anăp. Khua knŭk kna Phạm Minh Chính brei thâo, hlăm klei bi kƀĭn tal 9, Bruă kƀĭn ala gưl 15 mĭn tĭng Knŭk kna srăng hưn mdah hŏng Bruă kƀĭn ala 63 hră mơar, hlăm anăn mâo 37 Hdră bhiăn leh anăn Hdră mtrŭn.

Anei jing ênoh hră mơar lu snăk, yuôm bhăn snăk, hmăi kơ lu bruă duh mkra- ala ƀuôn. Hnơ̆ng bruă knuă lu, bruă klam ktrŏ, klei čiăng lu, dleh dlan, hnơ̆ng prŏng, Khua knŭk kna mtă kơ dŭm phŭn dhar bruă mđing wưng, kƀĭn klei  găl lu hĭn, gĭt gai bi leh hră čih hdră bhiăn. Mbĭt anăn bi hgŭm hŏng dŭm anôk bruă mơ̆ng Bruă kƀĭn ala hlăm klei ksiêm dlăng, hlak mblang, mkra mlih hră čih Hdră bhiăn. Hmao hưn kơ dŭm bruă mâo, boh phŭn êgao klei dưi.