Čiăng mprăp jăk kơ dŭm anôk bruă, êpul bruă, gưl să dưi ngă bruă mơ̆ng hruê 1/7, Bruă Đảng čar Kon Tum gĭt gai dŭm anôk bruă Đảng hlăm bruă Đảng čar, bruă Đảng kdriêk, ƀuôn prŏng leh anăn knơ̆ng, dhar bruă mơ̆ng čar kñăm jih hnơ̆ng kơ bruă bi kluôm klei mkŏ dăp mnuih mă bruă, mgaih msir klei dleh dlan, kpăk gun bluh mâo, rơ̆ng kơ klei ngă bruă jăk leh anăn tŭ dưn. Bruă Đảng čar Kon Tum jao kơ gưl bruă Đảng nah gŭ ksiêm dlăng, bi kluôm hdră êlan dăp mnuih mă bruă, anôk bruă, mnơ̆ng yua…rơ̆ng dưi ba gưl bruă să ngă bruă mơ̆ng hruê 1/7.

Jao kơ êpul khua bruă Đảng bruă sang čư̆ êa čar gĭt gai, ktrâo lač ksiêm dlăng boh sĭt klei kriê dlăng, mgaih msir anôk bruă, lăn êbeh leh bi mŭt mbĭt anôk bruă knŭk kna čiăng rơ̆ng kơ klei tŭ dưn, ñĕ kơ klei luč liê mang. Êpul khua Êpul gơ̆ng bruă ƀuôn sang čar hmao mâo dŭm hdră mtrŭn ruah mdưm Khua gĭt gai, k’iăng khua gĭt gai, Khua êpul mơ̆ng Êpul gơ̆ng bruă ƀuôn sang gưl să, Khua gĭt gai, k’iăng khua gĭt gai bruă sang čư̆ êa gưl să čiăng mkŏ mjing jao klei bi klă hlăm hruê 26/4. Khua bruă Đảng dŭm anôk bruă Đảng čar Kon Tum Nguyễn Đức Tuy brei thâo, bruă mjêč čiăng kơ grăp čô knuă druh, phung mă bruă srăng bi lar ai tiê čŏng pô leh anăn bruă đua klam čiăng kơ gưl să, ƀuôn hgŭm mrâo ngă bruă jăk leh anăn tŭ dưn.