Hlăm mmông hriăm, klei ngă mgưt jing alŭ wăl să Ea Ktur, Ea Bhô̆k, Ea Ning mâo angĭn đrŭng leh anăn hjan prŏng hŏng grăm klmă, ana kyâo êbuh bi joh gơ̆ng pui, ngă truh luč pui kmlă kluôm alŭ wăl. Hmar nao truh ti anôk anăn, bi klă phŭn agha klei truh, dŭm êpul blŭ hrăm hŏng knơ̆ng bruă bi klă hdră êlan mgaih msir, tiŏ nao mnuih ngă bruă, êdeh êdâo, kdrăp yua čiăng hmao mgaih msir.

Leh giăm 3 mông, dŭm anôk bruă hmar bi leh bruă mlih dŭm kdrăp yua, gơ̆ng pui êbuh, kă bi kjăp klei pui, awa ana kyâo êbuh, jah waih bhĭt čiăng răng mgang klei êđăp ênang klei pui. Hŏng klei hriăm anei, Knơ̆ng bruă pui kmlă Dak Lak čiăng mđĭ hĭn klei thâo mgaih msir dŭm boh klei mjêč, mgaih msir hnưm hĭn leh mâo klei truh.