![VOV TAYNGUYEN](/themes/custom/vov_4/images/avatar.png)
Anei jing êlan dơ̆ng phŭng yuôm bhăn, mkŏ krĭng Lăn Dap Kngư hŏng krĭng Ngŏ Dhŭng, krĭng Yŭ Dhŭng hŏng ƀuôn prŏng Hồ Chí Minh mâo boh taih hlăm brô 128,8km, ênoh duh bi liê hlăm brô 25.540 êklai prăk.
Bi kơ mta kñăm duh bi liê, Khua phŭn bruă Êlan klông leh anăn dŭ mdiăng Nguyễn Văn Thắng brei thâo, hdră đru mkŏ mjing êlan dơ̆ng pral phŭn mkŏ krĭng Lăn Dap Kngư hŏng krĭng Ngŏ Dhŭng, mkŏ ƀuôn prŏng Hồ Chí Minh hŏng dŭm čar Bình Phước, Dak Nông, Dak Lak, Gia Lai leh anăn dŭm alŭ wăl hlăm krĭng, mkŏ mjing wăl đĭ kyar mrâo. Mbĭt anăn, mă găl klei găl djă yua lăn, mđĭ kyar bruă hiu čhưn ênguê, bruă tuh tia mkra mjing, kuai mă mnơ̆ng gŭ lăn…ƀrư̆ ƀrư̆ mkŏ mjing anôk bruă duh mkra krĭng Lăn Dap Kngư, đru hluê ngă dŭm mta kñăm, bruă klam mđĭ kyar bruă duh mkra ala ƀuôn, răng mgang klei êđăp ênang krĭng Lăn Dap Kngư, krĭng Ngŏ Dhŭng leh anăn ala čar hluê si Hdră mtrŭn klei kƀĭn kluôm tal 13 mơ̆ng Đảng, dŭm hdră mtrŭn mâo Phŭn bruă kđi čar bi klă.
Viết bình luận