­Hlăm knăm bi hdơr 30 thŭn hruê mkŏ mjing kdriêk, khua gĭt gai kdriêk Đăk Hà, čar Kon Tum mñă klă Lŏ dơ̆ng rŭ jing ƀuôn sang Đăk Hà ƀrư̆ hruê ƀrư̆ mdrŏng ktang, mrâo mrang, anak mnuih Đăk Hà “Bi mguôp, hur har, mbruă, thâo khăp, thâo pap”; mkŏ mjing kdriêk mâo ênŭm hnơ̆ng čuăn krĭng ƀuôn sang mrâo ti thŭn 2025 čiăng năng hŏng anăn knăl Pô mă bruă jhŏng ktang hlăm wưng mlih mrâo ti thŭn 2008 mâo Đảng, knŭk kna mđup brei.

Čiăng dưi mâo mta kñăm mkŏ mjing kdriêk krĭng ƀuôn sang mrâo tal êlâo mơ̆ng čar Kon Tum ti thŭn 2025, kdriêk Đăk Hà hluê ngă lu hdră êlan, hlăm anăn kñăm ba yua tŭ dưn dŭm klei găl, ai ktang čiăng mđĭ kyar bruă duh mkra mnia mblei nao mbĭt hŏng bruă mkŏ mjing dŭm mta mnơ̆ng dhơ̆ng phŭn hluê si boh tŭ, mđĭ kyar bruă hiu čhưn ênguê yang ƀuôn, bruă hiu čhưn ênguê wăl mnơ̆ng hdĭp, bruă hiu čhưn ênguê nao mbĭt hŏng bruă lŏ hma jing bruă duh mkra phŭn.