VOV4.Jarai - Tui hăng tơlơi pơkă, hrơi pơgi (24/3), jơnum lok rơnuč mơng Khua pơ ala mơnuih ƀon sang dêh čar tal XIV amra pơphun, hăng him lăng amra mă bruă amăng 12 hrơi. Amăng anun, pioh lu hrơi mông kiăng kơ ruah mơnuih apăn bruă. Khua pơ ala mơnuih ƀon sang dêh čar amra pơgôp hiăp kơ črăn hră lăi pơthâo bruă mă rơwang tal XIV; rơwang thun 2016-2021 mơng Khua mir sir dêh čar, Kơnuk kơna, Sang phat kơđi dêh čar, anom bruă pơsir kơđi tơlơi, anom bruă jŭ yap ngăn drăp kơnuk kơna dêh čar.

Sang jơnum Diên Hồng amăng Ƀirô khua pơ ala mơnuih ƀon sang dêh čar Việt Nam

Hrŏm hăng anun lĕ tŭ yap tơlơi pơsit mơng jơnum lok 11, Khua mua pơ ala mơnuih ƀon sang dêh čar tal XI; Tơlơi phiăn pơgang, pơgăn ma tuý (čih pơkra glăi). Khua pơ ala mơnuih ƀon sang amra brơi pơdơi bruă brơi Khua mir sir dêh čar ơi Nguyễn Phú Trọng, Khua dêh čar ơi Nguyễn Xuân Phúc, Khua pơ ala mơnuih ƀon sang dêh čar ta yă Nguyễn Thị Kim Ngân, laih dong plĕ hră  hơgŏm ruah ƀing khua mua pơkŏn đĭ mă bruă. Khua mir sir, Khua dêh čar, Khua pơ ala mơnuih ƀon sang phrâo amra đĭ apăn bruă tơdơi kơ arăng ruah đĭ.

Siu Đoan: Pơblang